JOIN INSTRUCTIONS

MAAGIZO YA KUJIUNGA NA SHULE YA SEKONDARI MKUU

UTANGULIZI:

Shule ya Sekondari Mkuu ni shule nzuri ambayo ni mchanganyiko kuanzia Kidato cha I – IV. Wanafunzi wa kidato cha tano na sita ni wasichana tu.
Wanafunzi wote wasichana wa kidato cha tano na sita wanakaa kwenye mabweni yaliyopo shuleni. Wanafunzi wa kidato cha 1 - 4 wanalala nyumbani.
Shule  ya Sekondari Mkuu iko katika mazingira mazuri ya mwanafunzi kusoma na kuweza kufaulu vizuri kama ataonyesha bidii ya kusoma. Shule inao walimu wa kutosha na huduma zote muhimu kwa wanafunzi zipo shuleni. Mwanao aitumie nafasi hii aliyopewa na Serikali vizuri baadaye alisaidie Taifa letu, wazazi wake na yeye mwenyewe kwa siku za baadaye akizingatia kwamba wenzake wengi hawakuchaguliwa.
Kwa ushindi huo wa mwanao tunawapongeza  wewe mzazi pamoja na mwanao kwa kuchaguliwa kwake.

USAFIRI WA KUJA SHULENI

Mwanafunzi akifika moshi mjini stendi kuu ya mabasi akitokea popote pale, uliza na apande magari yaendayo Rombo kupitia Mwika hadi Tarakea. Shule yetu ipo umbali wa kilomita 60 kutoka Moshi mjini hadi Mkuu Rombo kabla hujafika Tarakea. Nauli ya kutoka Moshi mjini hadi Mkuu Rombo ni Tshs. 4000/= hadi Tshs. 5000 kutategemeana na gari. Kwa wanafunzi wanaotoka Dar es Salaam au kupitia DSM wapande magari ya  Dar express, Meridian, Esther coach, Saibaba, Metro coach, Tilisho Coach yanayokuja moja kwa moja Rombo. Kwa Kutokea Dodoma panda bus la Shabibi  au Ngasere linalokuja moja kwa moja Rombo. Wanaotokea Singida panda bus la Mtei Express la Rombo. Na kutokea Mwanza panda bus la Mghamba.

KITUO CHA KUTEREMKIA

Ukitokea Moshi mjini mwambie kondakta wa gari utateremkia Mkuu-Kanisani vilevile kwa wale wanaotokea Tarakea kuelekea Moshi nao watateremkia Mkuu-kanisani. Kutoka hapo Mkuu-Kanisani kuelekea shuleni ni umbali wa mita 150 utakuwa umefika shuleni.
Ukifika shuleni utaripoti na kupokelewa na mwalimu wa zamu au Makamu wa Mkuu wa shule ambao wote watakuwepo shuleni kwa kipindi hicho. Baada ya kuripoti shuleni utasajiliwa ofisini kwa Makamu wa Mkuu wa shule ukiwa na mahitaji yote muhimu uliyoagizwa kuleta shuleni.

HUDUMA ZINAZOPATIKANA SHULENI

Shule inalo duka ambalo hutoa huduma za mahitaji karibu yote muhimu kwa wanafunzi na watumishi wote wa shule. zahanati ya Mission Mkuu iko karibu na shule. Hospitali kubwa ya Wilaya ipo karibu na shule ina gari, usafiri wa kuja shuleni na kurudi nyumbani ni mzuri kwani shule ipo karibu sana na barabara, Benki, Posta vyote viko karibu.

MIRADI YA SHULE:

Shule yetu inayo miradi kama ifuatayo ambayo huhudumiwa na wanafunzi na baadhi ya watumishi ambao vile vile hutumika kwa mafunzo:-

1.    Duka la shule

2.    Ng’ombe wa maziwa

3.    Bustani ya mboga

4.    Mgahawa

5.    Shamba la migomba

Kwa maelezo zaidi kuhusu tarehe ya kuripoti shuleni, ada na michango ya shule, uniform, na form mbalimbali zinazoambatana na join-instructions, bonyeza Link hizo hapo chini kwa form 1 au form 5.

Download>>>FORM ONE 2024 Joining Instuctions

Download>>>FORM FIVE 2024/2025 Joining Instructions

Mwisho tunampongeza tena mwanao kwa kuchaguliwa kwake na tunamkaribisha

Shule ya Sekondari Mkuu.

KARIBU SANA.